ھر دن ھے محبت کا ، ھر رات محبت کی
ھم اھل محبت میں ، ھر بات محبت کی
سینوں میں اُترتے ھیں ، اِلہام محبت کے
آنکھوں سے برستی ھے ، برسات محبت کی
ھم درد کے ماروں کا اتنا سا حوالہ ھے
تنہائی ھے گھر اپنا ، اور ذات محبت کی
دولت کے خداؤں نے دیکھی ھی نہیں شاید
دامن میں غریبوں کے ، بہتات محبت کی
ان خاک نشینوں سے رونق ھے زمانے کی
جو بانٹتے پھرتے ھیں ، خیرات محبت کی
ھوتی ھے مکمل یہ ، ایمان بہر صورت
کیا جیت محبت کی ، کیا مات محبت کی
ھم لوگ اٹھا لیں گے ، ھر بوجھ اذیت کا
ھم لوگ سمیٹیں گے ، سوغات محبت کی۔
No comments:
Post a Comment